Mayın 10-da ənənəvi “Gül bayramı”na etiraz aksiyası zamanı peşə fəaliyyətini yerinə yetirən “Azadlıq” radiosunun əməkdaşı Cavanşir Ağamalıyev mülki geyimli şəxslərin fiziki təzyiqinə məruz qalıb.

8 may saat 12:00-da  “Bizim Soy” qəzetinin keçmiş müxbiri Fuad Hüseynovun və Hüquq və Qanun MMC-nin rəhbəri Taleh Xasməmmədovun saxta ittihamlarla, qanunsuz həbsləri ilə bağlı Reportyorların Azadlıq və Təhlükəsizlik İnstitutunun Mətbuat Mərkəzində  mətbuat konfransı keçiriləcək.

Jurnalistlər, QHT-lər, dövlət qurumları, diplomatik korpus və beynəlxalq təşkilat nümayəndələri və maraqlanan bütün şəxslər dəvətlidir.

Qeyd: 06 Dekabr, 2011-ci il tarixində  İnternational Media Support (İMS) öz layihəsi olan Azərbaycan Media Mərkəzinin (AMM)  yerli media təşkilatı Reportyorların Azadlıq və Təhlükəsizlik İnstitutu (RATİ) ilə birləşməsini elan edib. 2012-ci ilin yanvarından etibarən, Azərbaycan Media Mərkəzi RATİ-nin Azərbaycanda ifadə azadlığının inkişaf etdirilməsi üzrə genişləndirilmiş proqramına paralel olaraq, RATİ vasitəsilə media və vətəndaş cəmiyyətinə müxtəlif tədbirlərin və ictimai müzakirələrin keçirilməsi üçün məkan və xidmətlərlə təmin edəcəkdir.

 

Bakı Apellyasiya Məhkəməsində gənc fəal, vicdan məhbusu Bəxtiyar Hacıyevin Qaradağ rayon məhkəməsinin 29 mart tarixli qərarından verdiyi apellyasiya şikayətinə baxılıb.

“Xural” qəzetinin həbsdə olan baş redaktoru Əvəz Zeynallının məhkəməsinin vaxtı dəqiqləşib. Baş redaktorun vəkili Elçin Sadıqovun Reportyorların Azadlıq və Təhlükəsizlik İnstitutuna (RATİ) verdiyi məlumata görə hazırlıq iclası mayın 14-də Bakı Ağır Cinayətlər məhkəməsində hakim Ramella Allahverdiyevanın sədrliyi ilə keçiriləcək.